"Re-Direction"-ის პლატფორმის ვორქშოფი 1: აქცენტი MOOC-ის მომზადებასა და მართვაზე
2025 წლის 30 ივლისს, "Re-Direction"-ის პროექტის პარტნიორები შეხვდნენ პირველ სპეციალურ ვორქშოფზე, რომელიც მიეძღვნა "Re-Direction"-ის "MOOC"-ის პლატფორმას. შეხვედრის მთავარი მიზანი იყო სასწავლო მასალების მომზადება და მათ პლატფორმაზე ატვირთვა სექტემბრის ბოლომდე. სესია გახსნა ჯორჯია ლაგკადინუმ, რომელიც წარმოადგენს მეტროპოლიტენის კოლეჯს. მან ხაზი გაუსვა განსაზღვრული ვადების დაცვის მნიშვნელობას და განიხილა ვორქშოფის მიზნები.
პარიზ ვალადაკისმა, ასევე მეტროპოლიტენის კოლეჯის წარმომადგენელმა, წარადგინა დეტალური მიმოხილვა "MOOC"-ის პლატფორმისა და მისი ძირითადი მახასიათებლების შესახებ. მათ შორის იყო კურსის შაბლონის შექმნა, კურსის დასრულების მონიტორინგი და მულტიმედიური მასალის ინტეგრაცია — მათ შორის "YouTube"-ზე განთავსებული ვიდეოების გამოყენებით. მან ასევე ახსნა პლატფორმის სტრუქტურა, რომელიც თითო ენაზე სამ კურსს მოიცავს, და წარმოადგინა როლები — მენეჯერი, მასწავლებელი და სტუდენტი — ეფექტიანი ადმინისტრირების უზრუნველსაყოფად.
კურსის მართვის ეფექტიანობისთვის, მონაწილეებს სთხოვეს შეავსონ "Excel"-ის ფაილი, სადაც განისაზღვრება პასუხისმგებლობები პარტნიორ ორგანიზაციებს შორის. შემოთავაზებული ვადა ფაილის წარსადგენად არის აგვისტოს პირველი კვირა.
ვორქშოფი დასრულდა მონაწილეთა თანამშრომლობისთვის მადლობის გადახდით და შეხსენებით, რომ მნიშვნელოვანი რჩება როგორც პლატფორმის მომზადება, ასევე კომუნიკაციის უწყვეტი უზრუნველყოფა.
დაფინანსებულია ევროკავშირის მიერ. მიუხედავად ამისა, აქ არსებული ხედვები და აზრები მხოლოდ ავტორ(ებ)ის მიერ არის გამოთქმული და შესაძლოა, არ დაემთხვეს ევროკავშირის ან ევროპის განათლებისა და კულტურის აღმასრულებელი სააგენტოს (EACEA) ხედვებსა და აზრებს. არც ევროკავშირი და არც ევროპის განათლებისა და კულტურის აღმასრულებელი სააგენტო არ აგებენ პასუხს აღნიშნულ ხედვებსა და აზრებზე.
პროექტის ვებ-გვერდი: https://re-direction.org/
პროექტის Facebook გვერდი: https://www.facebook.com/profile.php?id=61563411968827
პროექტის LinkedIn გვერდი: https://www.linkedin.com/company/re-direction-project/